تاج دمه خفيف قوي ( مع تعطيش الجيم ) جالي.. مع التعطيش برضه
يعني انا فرحت وقلت خلاص هناخد هدنة من التاجات في رمضان
الاقي تااج جاييلي لا وايه بقى عايز قعده و فضى و تفكيييييير
نجاوب بسرعه بقى عشان الحق اخلص و اقوم اتسحر
لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم .. واشمعنى؟
على فكره كل عصر ليه انجازاته و انتصاراته و اخفاقاته
و كل شعب ليه شكاويه و همومه
لذا هختار العصر اللي انا عايشه فيه
على الاقل عصر اعرفه بكل بلاويه
اول اولويه فى حياتك عيلتك ولا شغلك ولا اصحابك؟
عيلتي اولا بعدين شغلي بعدين اصحابي
ايه اكتر حاجه بتحبها فى رمضان؟
اللمة احلى حاجه في رمضان
وحاجه تاني بحب رمضان ييجي عشانها
ان معاد شغلي بيبدأ 9 بدل 8 ونص و بروح 1 بدل 2 يعني اصحى متاخر و اروح بدري يا ريت السنه كلها رمضان
اوصف ليا اجمل فطار ممكن تفطره ؟
الاكل اللي بتاكله في رمضان هوه نفس الاكل اللي بتاكله في اي يوم تاني
يعني البشاميل هيا البشاميل و المحشي هوه المحشي
بس الاختلاف اللمة على الاكل بتخلي للاكل طعم تاني
المهم اي اكل باكلة في وسط عيلتي هوه اجمل فطار
حتى لو عدس
هههههههه
لو انت حاكم على مجموعه من الافراد هتكون عادل؟؟ طب هتعمل
ايه عشان تتأكد انك حاكم عادل؟
مش هينفع اكون عادلة طول الوقت بس دوما هسعى لكدة
و عشان اعرف انا عادلة ولا لا ....هقول بس مش تتريئوا
هخلي في عميل لصالحي بين الشعب الغلبان
( اللي هوه مش هيكون غلبان ان شاء الله )
المهم من خلال العميل ده هعرف الشعب بيحبني و بيدعيلي يعني عادله ولا بيدعي عليا و هكون ساعتها بظلمهم
و لو ان الشعب مش بيعجبه العجب
اللى بيبوظ الحكام .. نفسهم؟ ولا الشعب؟ ولا الحاشيه
المقربه؟
سؤال وجيه..و هرد على السؤال ده بسؤال
و هما من امتا بيمسكوا المناصب حكام عادلين و بيبوظوا بعد كده ؟؟
و انا مش بخص بدة رؤساء الدولة
انا بكلم عن اي حد بيمسك اي منصب
البايظ هوه اللي بيوصل
مين أكتر اعلامي مصري بتحترمه؟
حمدي قنديل و منى الشاذلي
قريت ديوان عمر مصطفى صاحب بلوج تجربه
" اسباب وجيهه للفرح" عن دار ملامح و لا لسه ؟؟ لو اه ايه رايك فيه؟
مش قريتو و انا عندي فضول بقى و عايزة اقراه
لو ممكن تشتغل شغلانه
تانيه غير اللى انت بتشتغلها او كنت بتشتغلها كنت تتمنى تبقى ايه؟
كان نفسي ادخل كلية السن و اكون مرشدة سياحية
ايه تانى بلد
تتمنى تعيش فيها بعد مصر؟
السعودية ..مكة بالزات .. مكان تشعر فيه بالراحة
اوصف ليا ترتيبات اجمل فرح ؟؟
اهم حاجه طبعا انهم يكونوا بيحبوا بعض او عايزين بعض على الاقل
و سيبنا من من كل ده اهم حاجه الرقصة السلوو اللي في اول الفرح
بتراعي كلام الناس والقيل والقال؟ لو اه اولا قوللي
ليه؟
اه طبعا براعي كلام الناس لاني بنت اولا و اخيرا
بس قبل كل ده .. لو انا محترمة و هما بيقولو و يعيدوا عشان هما فاضيين اكيد ساعتها مش هيهمني انهم يتكلموا او يقولوا
صحيت من النوم ما لقيتش الموبايل ولا الكمبيوتر ولا
الكاميرا الديجيتال ولقيتنا رجعنا لعصر الحمام الزاجل والحصنه هتكون
سعيد؟
لا مش هبقى سعيده بتاتا لان دي حجات اتعودت عليها
لكن لو مش لقيت الكاميرا الديجيتال مش هتفرق معايا ( لان مش عندي اصلا )
السعاده هى؟
تواجدك وسط اهلك .. ورضا ربك عنك .. و رضاك عن شغلك ..
وتلاقي اللي يحبك ..مش اللي انت بتحيه
هناك فرق
عندك أمل ؟؟ أسبابك ؟
اه طبعا عندي .. حتى لو مش عندي امل بتلكك ب اي امل و اتشعبط فيه ب ايدي و سناني .. عشان حاجه واحده بس .. عشان اعيش
لما تحب تهرب من كل شئ بتروح فين؟
اقعد في بلكونة بيتنا و اشغل الراديو على اغاني اجنبي و العب جيم على موبايلي
امتى أول مره خدت فيها نفس طويل كده وقلت بينك وبين نفسك
يااااه الظاهر انا فعلا كبرت؟
ههههه
لما ماما دخلت عليا فجأة و قالتلي جاييلك عريس
انا ما خدتش نفس طويل انا نفسي اتكتم
حسيت اني كبرت قوي
لما بتعمل عمل خيرى بيكون ايه هو دافعك
الاول؟
اولا و اخيرا وجه الله
و ثانيا عشان ابسط بيها الانسان اللي قدمتله الخير و اشوف ابتسامة امل على وشه
بتشرب سجاير؟ لو الاجابه اه ايه شعورك لو شفت ست بتشرب
سجاير؟ وليه ؟
لا الحمد لله ما وصلتش كده
و لما بشوف واحده بتشرب سجاير بشمئز
ده لان عاداتنا و تقاليدنا ما عودتناش على كده
بتعرف ايدك اليمين من الشمال ازاي؟
الايد اليمين بمسك بيها الماوس
ايه اكتر اله موسيقيه بتحبها ؟
البيانو و الناي
فى رأيك ليه الذوق والنخوه اتعدموا؟
هما مش اتعدموا بس هما في طريقهم لكده
يمكن ده عشان البعد عن ربنا و مشغوليات الحياه
ايه الحاجه اللى لو حصلتلك تبقى سعيد
قوى؟؟؟
حاجة كده في شغلي لو حصلت هتبسط قوي
تختار يبقى عندك...ارض زراعيه ولا اجنس عربيات و لا كام
عماره و لا فلوس فى البنك؟؟؟؟
هاهاهاها هختار كام عمارة
هأجر كل شقه فيهم لكل شاب غلبان مش لاقي يتجوز و بايجار بسيط كمان
بس مفيش مانع يعني اخد شقتين ليا افتحهم على بعض
البحر و لا النيل؟؟؟
النيل طول عمرة قدامي .. هختار حاجه جديدة بقى.. البحر
مركب و لا طياره؟؟
مع ان سبق لي و ركبت الطيارة مرتين بس هقول الطيارة برضه
كفاية بس المنظر من الشباك في لحظتي الاقلاع و الهبوط لما الطيارة تقرب من الارض و تشوف كل حاجه صغيرة قوي
مجنون و لا عاقل؟؟
حسب الموود
تقرأ كتاب و لا تتفرج عليه فيلم؟
كلاهما ليه سحرة .. يعني و انا بقرا كتاب بكون صورة ذهنية خاصة بيا هتختلف تماما عن الفيلم اللي بيناقش نفس القصة في نفس الكتاب
بتمرر التاج
لمين؟؟؟
انا التاج اللي فات ما مررتوش لحد
بس المرادي بقى هغلس وهمرره ل
معلش بقى سامحووووني
و كل رمضان و كل تاج و انتو طيبيين
43 comments:
تاج دمه خفيف قوي
واجاباتك لذيذة
وانا بقالي زمان مجاليش تاج ياااااااه من زمان قوي ميرسي ع التدبيسة المحترمة دي
بعد السلام عليكم
أجاباتك كلها جميلة و رائعة يازيزي
وسر جمالها ده هو تلقائيتها و بساطتتها
والأجابات كمان أوضحت صراحتك و قناعتك
وطبعا أحييكي علي فكرة العميل دي .. بس خدي بالك لأنه من الناحية العملية العميل ده بيكون أحدي الصور الأولية للحاشية المقربة
وعلي رأيك
امتا بيمسكوا المناصب حكام عادلين و بيبوظوا بعد كده ؟؟
ربنا يوفقك و تحصل الحاجة بتاعت الشغل اللي هتسعدك ، ويقدرك علي فعل الخير دايما .. وتسفري مكة و تحجي في بيت الله
وعلي فكرة
أنا هأدعيلك أن ربنا يرزقك بالكام عمارة
بس متنسيش أخوكي العبد لله الغلبان في شقة .. ولا بلاش طمع خليها أوضة
تحياتي
وكل تاج وأنتي طيبة
عُلم يا فندم
:))
زيزي
يا تاجتك!!! هي الحاجات دي ينفع نجاوب عليها في رمضان برضه؟
هو ماينفعش الواحد يهرب منها؟
أنا عندي تاج حاطاه في الفريزر..هاحط دة جنبه على طول عشان ميبوظوش :) :) :)
ايه الشغل اللي من 8:30 ل 2 الظهر دة؟ انتي بتشتغلي مدرسة؟
بس إجاباتك زي السكر زيك..يعني عرفتي انك كبرتي أول ما جالك عريس!! على العموم ربنا يحققلك كل أحلامك وينولك كل اللي في بالك وتبقي سعيدة على طول في حياتك الشخصية وشغلك وربنا يجمعك غنتي واهلك في الخير دايماً يا رب
:)
ميرسي على التاج يا جميلة
نوني
زيزى
أولاً رمضان كريم
ثانياً
متشنكلين ع التاج يافندم
والتنفيذ قريباً ان شاء الله
;)
أشكرك لاهتمامك لكن والله أنا محبتش "أدبس" حد بالتاج زي م هو شائع بين الناس اللي بتتناقل التيجان بس أنا أول مرة يجيلي حاجة زي كدة ومكونتش أعرفها وكمان مرضيتش فعلاً أكرر الناس اللي موجودة عند أبو صلاح ربنا يكرمه بقى ..وبعدين م انتي كمان إجاباتك لذيذة أهو.. يلا كل سنة وانتي طيبة
اجابت جميله اوي :))
كل سنه و انت طيب
ايه دا الاجابات الصريحة
دى
انا مكنتش اعرف ان التاج جه هنا كمان
اصل ابو صلاح مرروا ليا
وقطم وسطى
ايه دا الاجابات الصريحة
دى
انا مكنتش اعرف ان التاج جه هنا كمان
اصل ابو صلاح مرروا ليا
وقطم وسطى
السلام عليكم
اجابتك بتدل على شخصيتك شخصية لذيذة ومرحه وتلقائية
ويارب يحققلك اللي انت عاوزاه في الشغل عشان تكوني سعيدة
وشكرا على التاج ياستي
ومايحرمنيش منهم
رمضان كريم
زيزى
ممكن ايميلك ع الياهو
ونتكلم ع الياهو ماسنجر؟؟
ده بتاعى
innocent171blue@yahoo.com
!!!
بسيطه اوي
واجاباتك لذيذه اوي
كل تاج وانتي طيبه :)
الحمد لله اني نفدت
الواحد يدفع كام و مياخدش التاج ده
اوروفوار
صباحه تدبيس بس حوريكي المرة الجاية
:P
جزاك الله خيرا
تحياتي لك من ماناساس البلد
تاج جميل موت احييكي عليه
تحياتي لجميع ومستنيكو في مدونتي
أشكرك بشدة على تأييدك وإن كان هناك رد آخر كتبه وشكراً
حلو التاج ... وحلوة الأسئلة ... وحلوة الاجابات ,,, وحلوة ردود الناس
ما شاء الله البوست كله حلو
وإجاباتك بجد حلوة ... وبتقول إن سمك صغير ,,وإنك بنت ..وإنك مرحة ..وطيبة ..دي من الصفات الحلوة
سيبك بقى من الباقي
بس المهم ..خدي بالك من حكاية العدل دي ... أصل مبارك له جواسيس كتير وشايف إنه عادل برده
كل سنة وانتي طيبة
أقصد سنك صغير..مش سمك صغير
منتهى الدبلوماسيه
وخفه الدم فى الردود
انا عادتا مش بحب اقرا تاجات
لكن عنوان التاج بتاعك شدنى
انتى اسلويك حلو حتى فى الرد على الاسئله
وطريقته ممتازة فى الهروب من بعض الاسئله
تحياتى
çok güzel bir site.
بغض النظر عن جمال اجاباتك
وبغض النظر عن الطيبة اللذيذة اللي باينة جدا من خلال كلماتك
مفيش شقة لاخوكي علوة اللي داخل على مرحلة مفترجة ؟
آه منكوا يا اصدقاء التاج
خليني اشوفك انا هيقبضوا عليّ قريب
صباح الفل
سلام عليكم يا جماعه
******
احمد عيسى
بريمو يا باشا
مممممممم ميرسي .. لقد اخجلتني !!
يالله اهو تدبيسه بعد غياب
و اعيش و ادبسك يا بشمهندس
************************
abo salah
thnx ya gameel
ولا تشيل اي هم
ان شاء الله في شقه محجوزة ليك
المهم تصدق عندك حق
العميل ده هوه من الحاشية المقربه
ما فكرتش فيها دي
ههههههههه
بقولك ايه .. ايه وجع الدماغ ده انا مين قال اني عايزة ابقى حاكم
انا هكون من ضمن الشعب المطحون
ميرسي على تاجك و تعليقك
****************************
فوكيرة
يالله اهو مستنية ردك يا قمر على التاج ده
و اعيش و ادبسك
و تعيشي و تجاوبي
************************
noony
واله انا كنت متخيله ان مفيش تيجان في رمضان
و تاج جالي
و مدبساكي معايا كمان
مستنياكي
**************************
yotta
ههههههههه اتشنكلتي خلاص
يالله مستنية الاجابات
انا بحب اقرا التيجان قوي
************************
may
thnx ya 2mar
************************
الاستاذ
هوه بص اللي حصل اني بعتلك التاج
و ما اخدتش بالي ان ابو صلاح بعتهولك قبلي
و لا يهمك
ليك عندي تاج
انت هتروح فين يعني
ههههههه
بالتوفيق
****************************
Ert3ashat
شكرا يا ارتعاشات لزيارتك
و انت طيب يا باشا
*************************
مواطن زهقان
اه طبعا يا زهقان
و هوه في احسن من الصراحة
ههههههه
اديك اتشنكلت فيه انت كمان
******************************
sahr
ميرسي ياقمر
و اعتذر للغلاسه و الرخامة
اعيش و ابعتلك تيجان
:))))))))))))
******************************
bastokka طهقانة
ازيك يا طهقانه
ايه يا بنتي ايه اللي طهقك بس استهدي بالله ؟؟؟؟؟
لا ان شاء الله هتتشنكلي المره الجايه
ليكي عندي تاج بقى
*****************************
The Groom
ههههههههه يالله اعيش و ادبسك يا عبدالله
تحياتي ليك من صعيد مصر
**************************
تامر حسين
متشكرة يا تامر قوي
خلاص هخلص اجابه على التعليقات و اجيلك ان شاء الله
بس حضر الشاي والنبي
*************************
د- حندولة
ميرسي يا دكتور على كلامك
اه انا سمك صغير
احم احم
سني صغير
لا والله د انا 21 سنه بالتمام و الكمال
كبيره يعني
سمك كبير
هههههههه
المهم ةانت كمان نكتك حلوه قوي بجد
ان شاء الله هفكر في حل اخر لموضوع الجواسيس ده
شكل الموضوع كده بتاع العملا مش هينفع
ههههه
يالله انا هستقيل اصلا من الرياسة
تحياتي ليك
*********************
momken
تحياتي ليك يا جميل
بجد والله انت اللي بتسعدني قوي بكلامك و تعليقك على اي بوست بنزله
و الهروب ده اساسي في التاج اللي بيتبعتلك
مع اني ما هربتش خالص التاج ده
ممكن التاج اللي فات
هربت لما شبعت
يالله كل سنه و انت طيب
*******************
Mustafa Şenalp
sorry
i cant understand u
but
happy ramadan
**********************
علوة
ههههههه
ان شاء الله يا علي طبعا ليك شقه في العمارات دي
ما تقلقش
بس انت انوي بس
و ميرسي على كلامك يا باشا
انت رحت الجيش ولا لسه ؟؟
ربنا معاك
****************
وجاوبنا التاج هيه هيه
تحياتي لك من ماناساس البلد
السلام عليكم ورحمة الله وبركاته
التاج فعلا لذيذ
بس انت اجاباتك الذ
لكن ليا عليكي عتاب
ليه مخبية العدس كدا
مش تخليه بلونه الذهبي
وعجبني اوي سؤال امتى حسيتي انك كبرتي
على فكرة مدونتك جميلة اوي
اول ما دخلت
حسيت اني قاعدة على سطوح بيتنا وباصة للسما وهي صافية
كلها نجوم
بجد جميلة جدا المدونة
بتدل على رقة ذوقك
وعلى فكرة تانية
أيس قطة مرات اخويا
بتتعامل معاها كانها بنتها تمام
سعيدة جدا اني زرت مدونتك
واتمنى تتقبلي زياراتي دائما
The Groom
هههه
ازيك يا عبد الله
يعني لازم اجيلك و ازعق و امسك العصايا و اقولك جاوب على التاج
ماكنت جاوبت الاول وحديك احسن
يالله اعيش و ابعتلك تاج و تاج و تاج
و انت تجاوب تجاوب تجاوب
ههههههه
********************
ما علينا
مممممممممم ميرسي على كلامك يا قمر
على فكره القطه دي عجباني قوي قوي قوي
بحب القطط جدا
ممكن تقولي لمرات اخوكي اخدها منها يوم
و النبي و النبي
يالله تعالي كتيير بقى
************************
السلام عليكم
ازيك يا زيزى
اجاباتك جميله بجد
بس انا عايز اعرف ايه الحاجه اللى هاتسعدك فى شغلك
المدير يطرد
ههههههههههههههههههههه
طبعا بهزر يا يكون موجود
لا ان شاء الله تترقى طبعا
تقبلى ارق تحياتى
سلاسلامااااااااااااات
أشكرك جداً يا زيزي على الزيارة الجميلة دي وياريت تكرريها وتشوفي البوست الجديد وكل سنة وانتي طيبة
حسام مراد
ازيك يا حسام
انت بتقول فيها
طيب تصدق فعلا ان الحاجه اللي المفروض تحصل في ضغلي حصلت فعلا
رجعت يومها و لقيت الكومنت بتاعتك دي
ههههههه لا مش موضوع المدير يطرد
لان ده املي من اول ما اشتغلت
يالله ميرسي على الزيارة
*************************
الأستاذ
ايه ده ازيك يا صاحب العالم الافتراضي
يا رب تكون كويس و صحتك كويسه الوقت
عالمك كان محتاس من غيرك
اوكي ان شاء الله هجييلك
و حمد الله على السلامه
اجاباتك
ممتازة و نشيطه
حاجه يوجا كده
استمري استمري
ايه يا زيزي التاجات الجامدة دي ;)
بجد اجاباتك جميلة و..لذيذة جداااا
التاح بقي أحلى لما انتي جاوبتيه يا قمر
تحياتي
حلو التاج ده بس انا ليل تعليق على ردك للسئال ده
-----------------------------------
اللى بيبوظ الحكام .. نفسهم؟ ولا الشعب؟ ولا الحاشيه المقربه؟
سؤال وجيه..و هرد على السؤال ده بسؤال
و هما من امتا بيمسكوا المناصب حكام عادلين و بيبوظوا بعد كده ؟؟ و انا مش بخص بدة رؤساء الدولة انا بكلم عن اي حد بيمسك اي منصب البايظ هوه اللي بيوصل
------------------------------
صلا ح الراعى من صلاح الرعية
mo7amed mamdo7
thnx alot mo7amed
yes 2na taiba 2wy
**********************
DoMaLaYs
ههههههههه يوجا ؟؟
على فكره انا بحب اليوجا قوي
ميرسي لتعليقك
*************************
dr.Roufy
دكتورة .. ازيك
ايه الاخبار
بفرح قوي لما تجيلي
ميرسي على كلامك يا قمري
يا سلام ؟؟ لما جاوبت عليه بقى احلى
ههههههه انتي اللي احلة والله
************************
hend...hanady
فعلا يا هند
انتي فعلا جبتي المرادف للي انا قلته
لما الحاكم بيبقى عادل الشعب بالتالي هيكونو كويسين و صالحيين
بس لما الحاكم من البدايه يكون ظالم و مش صالح ؟؟؟
هيكون في هناك حاشيه فاسده و شعب بيمشي جنب الحيط
ادعوك لزيارة مدونتي والاطلاع علي قصيدة مبارك يا من ذا الذي في مصر الجديده
شكراا
والله التاج زى العسل وانتى اعسل
يعنى متفائلة وعندك امل واجاباتك كلها برئة وطالعة من القلب
انا بحيييييييكى
:)
ايه يا زيزي ؟
فين الجديد ؟
ولا يعني عشان التاج حلو ننام بقى ؟
عموما كل سنة وانتي طيبة بمرور حبة حلوين من شهر رمضان
صباح الفل
التاج ده انتشر بسرعه وبشكل كبير
اجاباتك جميله
بس هى فين الانجازات اللى فى العصر بتاعنا
nourhetler
اوكي ان شاء الله هزور مدونتك
********************
Hadota .. حدوتة
ميرسي يا حدوته لكلامك الجميل
برئيه ؟؟ ربنا يخليكي يا قمر
انتي كمان مدونتك عجبتني قوي و ضفتها عندي
*******************
علوة
انا اهو يا علوة موجدوه و بتابعكم
بس المشكله اني يدوب نص ساعه بقعدها بس .. مش لاقيه وقت بجد انزل حاجه اتلوقت
ان شاء الله بعد رمضان
بالتوفيق
؟؟ انت لسه مش سافرت ولا ايه ؟؟
فين الجيش يابني
ههههه
ربنا معاك
*********************
e7na
مممممممم
بص انا قلت ان كل عصر ليه انجازاته و اخفاقاته و كل شعب يه همومه و شكاويه
هوه فقعلا لا انجازات تذكر
بس تعرف بارغم من اننا عايشين في عصر ميئوس منه وتقريبا كله احباطات
بس انا برضه عايزة اعيش فيه
لان زي ما قلت كل عصر ليه مشاكه
تحياتي ليك
*****************
اجباتك حلوه ومنطقيه ومبروك العريس
رئيس جمهوريه نفسى
شكرا بجد ليك و لكلامك
ييييييي انت فكرتني ليه تاني انا كنت نسيت
يالله بالتوفيق ليك و ربنا معاك
و كل سنه و انت و الجميع طيبين
Post a Comment