من ست سنين فاتو .. انا و صاحبتي الانتيم
و احنا قاعدين بنحكي .. سألتها على حاجه خطرت على بالي فجأة
ـ قوليلي صحيح .. تفتكري احنا هنفضل أصحاب لغايه لما نموت
من غير ما تفكر ولو للحظه قالتلي
ـ ايوه يا بنتي طبعا
و لاني واثقه ان في 100 حاجه ممكن تفرق بينا ف رددت سؤالي بصيغه تانيه
ـ يعني عمرنا ما هنفترق في يوم
وعشان هيا انسانه متفائله جداا و عمري ما حسيتها عايله هم اي حاجه.. ردت عليا
ـ طبعااااااا.. انتي بتتكلمي ازاي.. حتى لما كل واحده فينا تتجوز .. و تخلف .. عيالنا برضه هيبقوا اصحاب قوي زينا
قلتلها تفتكري؟!! .. و انا واثقه تمام الثقه ان كل واحده فينا هتدخل كليه غير التانيه و تلاقي اصحاب تانيين .. و غير كده اول ما هتتجوز يا هتسافر و تبعد .. يا هتتشغل ببيتها بقا و عيالها و جوزها و شغلها و حياتها .. يا غير ده و ده زحمة الحياة اللي بتاخد الواحد من نفسه
قالتلي .. يوووه انتي لسه بتفكري .. اكدتلي بجد انها مش بتفكر في كده خالص لان استحاله حاجه تفرق بينا.. و ان اكيد هنبقا اصحاب مهما حصل.... غيرت الكلام خالص .. عادتها و هي بتتكلم انها تحكي في كزا موضوع .. انها تخرجني من مود كئيب قوي و تخليني فرحانه جدا ..
بدأت تحكي و تحكي و تحكي ..نتكلم و نحلم و نضحك .. قعدنا نتكلم ساعتها عن مستر الالماني اللي كان بيقفشنا بنلعب اكس اوو في الحصه.. و الساندوتشات اللي كانت بتتاكل في الكلاس .. و البنت الغلسه اياها .. و الشخصيات اللي كنا كارهينها قوي .. والكليه اللي كنا عايزين ندخلها سوا ..و ساعة ما هتكون معايا من اول لحظه يوم فرحي عشان تزوقني .. والاغاني اللي بنحبها .. وعمرو دياب
meli meli و..
و البيتزا .. و شله المدرسه و القصص اللي كنا بنألفها .. وحصة الفلسفه .. و لما كنا بنزعل من بعض ساعتها كانت واحده فينا بتقوم من جنب التاني و تقعد في مكان تاني في الكلاس .. مستنيين فرصه اي حد يصالحنا على بعض .. و لما كانوا بيصالحونا كنا بنحضن بعض قوي و نقعد نعيط .. بعدين نقعد نحكي على كل حاجه جديده حصلت و احنا متخاصمين و بعيد عن بعض
افتكرت في لحظه الكلام ده بالزات .. بالرغم ان في كلام كتييير اتقال في خمس سنين صحوبيه ..
افتكرت كمان ان بقالي ثلاث سنين مكلمتهاش.. مشفتهاش.. ولا اعرف فين اراضيها
44 comments:
ياه يازيزي
كأنك بتتكلمي عني وعن صاحبتي ..الى فضلنا سوا من كي جي وان لحد ثانوية
13 سنة مع بعض ..واتربينا سوا فعلا
وكنا يوم ما مانتقابلش لازم نتكلم في التليفون
وبرضه بعد الكلية حبة حبة بعدت الأمور
وبقى الى فاضل بينا معايدات وواجبات
معادش ليا صاحبة بجد
احساس مر قوي يازيزي
هي ليه الدنيا بتعمل فينا كدا؟
قلتها مره عند ساره فى تعهليق على موضوع زى ده
يا زيزى الدنيا زى قطر كل واحد بينزل فى محطته وبيفضل للتانى خيلات شخص كان موجود معاه
انا معرفش ايه السبب بس واضح انى السسب فى البعد مشترك ليه انتى محاولتيش تتصلى بيها
كلنا على فكره مرينا بنفس الشعور
محمود
زيزى
فكرتينى بصاحبتى اللى كنت بعتبرها أختى مش مجرد صديقة دراسة
كنا مع بعض من أول ما دخلنا المدرسة
حتى كنا اوقات نقعد نفتكر بعض واحنا صغيرين ونضحك على المواقف اللى كانت حصلت بيننا
وفاكرة فمرة بردو إننا قعدنا سوا نتكلم عن الموضوع ده
تحديدا لما كنا فى سنة تالتة ثانوى
كنا خايفين جدا اننا ندخل كليات مختلفة ونفترق
وحصل فعلا وفرقنا المجموع والتنسيق والكلية
فى الأول استمرت علاقتنا بس مع الوقت قلت ودلوئتى تقريبا مبنشوفش بعض الا فى السنة مرة
:(
أصدقاء الطفولة ميتعوضوش
بجد وحشتنى أوى ووحشتنى أيام زمان
ازيك يا زيزى يا عسل
بصى يا ستى بقى
انا ونوجا صحبتى كنا بنقول زيكم كده تمام
بس الايام غصب عن الواحد بتاخد الناس من بعض
انا ونوجا نختلف عنكم اننا لسه بنتكلم بس مفيش بينا الود والقرب بتاع زمان
حاجة صعبة صح؟؟؟
الاصعب لما يبقى احب الناس بالنسبة لكى اصبحوا مجرد ذكرى
تحياتى يا زيزى بوستك مليان احاسيس حلوة اوى
:)
ياااااااااااه
فكرتينى
وفكرتينى
وفكرتيينىىىىى
ماعلينا
لو فى ايدك رقمها قومى كلميها دلوقتى واول ما ترد وتسأل انتى مين ؟؟ قوليلها انا واحدة انتى قولتيلها كده من 6 سنين......ده لو هيا غالية عندك لسه... اما لو لأ
فخديها من قاصرها وبلاش تقلبى على نفسك يابنتى احسن
ازيك يا زيزي ، اخبارك ايه
البوستك بجد تحفة ومليان بأحاسيس حلوة اوي
خلتيني افتكر احلى ايام مع احلى صاحبة ليا انا ضيعتها من ايدي بس اعمل ايه تأتي الرياح بما لا تشتهي السفن
ربنا يكرمك وتلاقي صاحبة تفضل معاكي طول العمر
انا عملت مدونة جديدة بنفس الاسم بس اللينك متغير ياريت تضفيه عندك وتيجي تنوريني
موني
ياخسارة .. صديقة الدراسة والطفولة مش تتعوض ابداً
ياريتك تقدرى تعرفى هى فين
وأكيد هتوصلى ان شاء الله
أنا كمان كان عندى صديقة جميلة زيها كده
بس انا اللى سافرت.. وكنا على اتصال من وقت للتانى
وبمرور الوقت بعدت فترات الاتصال
الى ان انقطعت
بس البوست ده هيخلينى ادور عليها فى الدنيا من تانى
لانى افتقدها قوى
جميلة يازيزى وبريئة إنتى
لكى كل الحب
كاميليا
للأسف الشديد معظم العلاقات لا تصمد أمام اعصار الزمن وتحتضر مع أول بادرة بعد بين الطرفين
حيث تخبو الحرارة وتنطفئ شعلة القوة التى تحمى هذه المشاعر الانسانية النبيلة
الصداقة الحقيقية نادرة فى هذا الزمان وحتى ان وجدت فإنها ما تلبث أن تصطدم بواقع الحياة المتقلبة والتى لا تسمح فى بعض الأحوال باستمرار تلك الأحاسيس والمشاعر بنفس قوتها على طول الخط
كلنا مررنا بهذه الأمور وحزنا جدنا واشتقنا لأصدقائنا واحبائنا القدامى والتى فرقت بيننا وبينهم الأزمنة والأماكن ومشاكل وصراعات الحياة اللا متناهية
بعد قرائتى لهذا البوست انتابتنى مشاعر جميلة افتقدتها منذ زمن
شكرا جزيلا لكى على موضوعك الذي جعلنا نجتر ذكرياتنا الأثيرة
خالص مودتى ودمتم جميعا بخير
البوست حلو
ما احلى الذكريات
لكن ابشع ما فى الذكريات انها كانت واقع ثم مات فتحولت الى ذكريات
بس انا ليا وجه نظر فى صدقات البنات
صداقه البنت غير صداقه الولد
ومن غير زعل
البنت لو جميله او وذكيه اوى بتصادق بنت اقل منها جمال وذكاء لاظهار مدى جمالها وحتى لا تكون منافسه لها فى هذا المضمار
الحجات دى بتحدث بشكل عفوى وغير مرتب
بالفطره يعنى
كمان البنت الشطره والمتفوقه بتصادق بنات ىاقل منها مهاره وتفوق برضه علشان تثبت لنفها تفوقها وتظهره
وسعات لان البنت الاقل مهاره وشطاره هى الى سعت للصداقه دى للارتقاء بنفسها
واسباب تانيه كتير زى دى
اما صداقه الاولاد
بيكون الشقاوة والعفرته واللعب هما السبب الرائيسى فيها
وكل ولد بيختار الى شبهه والى قريب منه
زى ما بيقولوا الطيور على اشكلها تقع
فالصداقه بينهم بتستمر لفتره طويله اوى
وممكن طبعا لللاخر العمر
انا البنات
فاغلب البنات بتتسال السؤال ده
انتى عرفيها منين البنت دى؟
مش شبهك ولا توبك خالص
علشان كده اغلب البنات صدقتهم بتنتهى عن اول محطه اى حد منهم بينزل ويدع قطار الحياه يمر
الكلام ده مش قاعده
دى هرتله شخصيه جدا
حمدالله على السلامه
ماكونتش اعرف انك فتحتى المدونه تانى
ولانك مش بتيجى عندى افتكرتك لسه قفله المدونه بتعتك
تحياتى
الغريب انى عشت فى ذكرياتك معاها و البسمة اتسللت لوجهى غما عنى
و نسيت انى توقعت النهاية من اللحظة الاولى
لاجدنى اتفاجىء بيها زيى زى اى حد ما توقعش النهاية دى
اوجعتينى
لكن تلت سنين مش حائل كبير بينكم
حاولى تسترديها تانى مش هتخسرى اى حاجة
اتمنالك التوفيق
هى دى الحياة
نقابل ناس
ونعرف ناس
ونرتاح ويا ناس عن ناس
..
.
ويمكن ننسى كل الناس
ولا ننسى حبايبنا
أعز الناس
:D
ايه رأيك تبداى انتى وتكلميها
تعرفى ان كلامك واقعى جدا
لانى بعد مقريت البوست رجعت بذاكرتى لورا شويه لحد مكنت هقع من على الكرسى وافتكرت اصدقائى زمان
اللى معرفش ليهم طريق دلوقتى
بس اللى بعدنى عنهم هو الزمن الصعب اللى عايشين فيه
زمن عامل زى الماراثون كده
بس احنا هنا فى مصر بنمارس الجرى ورا لقمة العيش
بجد بوست جميل
تمنياتى لكى بالتوفيق
واتمنى تشرفينى بزيارتك لمدونتى
ارق تحية
تعرفي يا زيزي الانسان وهو بيقولالكلام ده بيبقى صادق فيه بيبقى جواه رغبة صادقة انه يكون معالانسان علطول لكن بتيجي الظروزف اقوي بس المفروض نعمل محاولات نسال بيها عليهم
عندي يقين ان الدنيا كلها كدا كل فترة وليها ملكها والملك هو الانتيم فى الحته دي بنفقده بس بنلاقي غيره بعديها بشويه غالبا مش بإيدينا بنسيب بعض بس بإيدينا اننا ما نسيبش بعض
بنسيب بعض علشان حد هيقعد يقول انا بسأل على طول وهو ما بيسألش يعني احنا اللى بنقتلها او غالبا احنا اللى بنقتلها بس مش دايما
كمان الانتيم بتيجي فترة بيتغير فيها الانسان قوي او بيكون عايز يتغير اوى فأول حاجة بتفكره بشخصيته القديمة هى انتيمه فبيحاول يبعد عنه وما بيبقاش انتيم وبيتحول لصديق عادي وبيحتل مكانة الانتمة دي حد تاني يناسب منظومة التغيير اللى احنا عملناها دي
بس كدا
تحياتى كتير
تشي
انت بقى فكرتينى باغنية عبد الحليم حافظ
على مر السنين بنقابل ناس ونرتاح ويا ناس عن ناس ولا عمرنا ننسى اعز الناس حابيبنا
اجمل الذكريات مع اجمل الصديقات
تحياتى لك ولاء
سلاموووووووووووووووو عليكوووووووو
رغم إني اتصدمت في آخر البوست وكنت حاسس بسعادة لا تتصوريها وأنا بكمل البوست لحد الآخر لأني حقيقة كنت متوقع إنك هتقولي حاجة استئنائية وتطلعي إنتي وصاحبتك لسه صحاب لحد دلوقتي ....
بس بجد اتصدمت في الآخر وزعلت أوي لحاجتين لأني عارف إن ديه حقيقة ولازم تحصل لأن الحياة كده
والحاجة التانية لأني خايف أحس الإحساس ده مع إن أعز صاحب ليا دخل معايا نفس الكلية ومع ذلك بعاد عن بعض عشان هوه في قسم وأنا في قسم تاني ..
بس أنا فعلا اكتشفت حاجة إن فراق الأصحاب ده بيحصل مع البنات أكتر منه مع الولاد .. بجد أنا تابعت الموضوع ده كتير مع اصحابي سواء بنات زمايلي أو اصحابي الولاد لقيت فعلا البنات بيفترقوا عن بعض بسهولة جدا
بجد وجعتيني جدا ببوستك ده بس ان شاء الله البوست الجاي يكون في فرح وسعادة عن كده ياااااااااارب
كان معكم ..,
كيكووووووووو
البوست بتاعك احاسيسه صادقة اوى بس انا مع صحبتينى بتوع ثانوى اللى مفيش اصفي من قلوبهم الوضع مختلف يعنى ممكن نبعد شهور منتكلمش لان كل واحد فينا دخل كلية وبعدين الجواز والولاد بس الغريب اننا لما بنقابل بعض او نتكلم في التيلفون بنحس اننا كنا لسه مع بعض امبارح ومش بنفترق ونحكى على ادق اسرار حياتنا وبنحس بحب بعض اوى ولو انى كان نفسي الايام اللى فاتت متنتهيش ابدا
وواثقة انى عمرى ما هلاقي حد زيهم ابدا فلما تلاقي حد كدة اوعى تسيبيه ابدا امسكى فيه بجداوى
السلام عليكم
يااااااااااااه
جامدة اوى
بجد
خسارة
بس اكيد انتى شم عندك الاحساس دة دايما
يعنى مش دايما زعلانة علشان مش بتشوفيها
بييجى وقت وتفتكريها فبتزعلى
بس اكيد بتبقى لحظة صعبة اوى
والمشكلة ان الناس دى مش بتتنسى
واحسن حاجة ان طول مهما بعاد عننا طول ماحنا بنحبهم اكتر
تحياتى
dr.Roufy
********
روفي ازيك يا قمر
مش عارفه يا روفي بجد ليه بيحصل معانا كده
بس ده طبيعي
**************************
رئيس جمهوريه نفسى
****************
تصدق يا محمود التشبيه ده عجبني قوي
احنا فعلا زي ما نكون في قطر
كل واحد هينزل في محطه معينه
الموضوع اكبر من كده يا محمود
شكرا يا جميل
ghalia
*****
اهلا ا غاليه
يا اللي فعلا غاليه
كل سنه و انتي طيبه صحيح
فرحانه بجد اني كرتك ب ايام حلوه
لا بس الفرق اني مش بشوفها خالص
و مدايقه جدا
***********************
Hadota .. حـدوتة
****************
حببتشي ازيك
هيا فعلا اصبحت زكرى
وحشتيني يا بنت
gogo we bas
***********
ههههههه حلو قوي يا جوجو
شكلك افتكرتي حجات كتير قوي
انا عملتلكم ريفيش للزاكره بقا
ممممممممممم
اتصل بيها
؟!!
صعب
لاني حكيتلوكو على البدايه و النهاية من قصه حلوه
لاكن انتو متعرفوش التفاصيل
صععععععب قوي اكلمها
***********************
بحاول اكون
***********
انا فعلا لقيت اصحاب تانيين حلوين قوي
يا رب بقا نفض مع بعض علطوول
اوكي يا قمر هبقا اجيلك
و هضيف لينكك
شكرا يا حببتي عا الزياره
كاميليا
********
ههههههه
شكرا يا كامي بجد على تعليقك
يا بنتي انتي بتبهجيني قويييييييي
عامله ايه بقا قوليلي
***************************
كلام لوجيك
*********
فعلا
الصداقه الحقيقيه نادره جدا
شكرا بجد لزيارتك
تعالى تاني بقا
momken
********
همممممممممممممم
اجيلك يا ممكن بقا
بص يا سيدي بقا
لان تعليقك اثار انتباهي جداااااا
مش شرط طبعاااااا الجميله او الذكيه تصادق اللي اقل منها جمال او ذكاء
بيحصل بس بنسبه ضئيله جدا يا ممكن
ده اولا
ثانيا بقا
انا طول عمري مثلا كنت افك اصاحب البنت الشاطره و الزكيه مش اي حد مثلا
عمري ما فكرت ان غيره مثلا تحصل بينا
او اي واحده اعرض عليها زكائي و تفوقي و مظهري
انا و صحبتي دي كنا عاليين قوي في كل حاجه
مظهر و( و مش هقولك شطاره ) هههههه .. احنا اتل 2 كنا نفس الليفل و كنا زي بعض تمام
احيانا كانو بيقولو انتو اخوات من كتر ما احنا مع بعض
عجبتني هرتتك قوي يا ممكن
ارجع و اقولك بيحصل اللي بتقول عليه
بس اكيد مش بتبقا صحوبيه
استعراض يمكن
باي بقا يا ممكن انا تعبت من الكلام
:)
****************************
Rain man
********
استردها صعب قوي بجد
مش هحاول لانه صعب جداااااااا
شكرا بجد لزيارتك
انا اول مرة ادخل لكن مدونتك جميلة وبخصوص البوست ده اسمحيلى اقولك انى الوحد ممكن يحب لف واحد لكن صعب يلاقى صاحب واحد بجد لذلك دورى على صاحبتك واسالى عن صاحبتك واسالى عنهالان مفيش اغلى من صحب يطبطب عليكى ساعة ماتكونى مجروحة
مع كل التحية
عمرو
ياه فكرتينى باللى فات
أنا عارفة أن الأحساس ده مر
أنا برضة كان عندى اصدقاء كتير من ايام المدرسة ولما دخلنا الكلية كل واحدة راحت مكان بس فيه منهم ناس فضلوا زى ما هما معايا وأنا كمان فضلت معاهم زى ماكنت ولسة لحد دلوقتى وبعد ماخلصنا كلية وأشتغلنا واللى منهم أتجوزت لسة علاقتنا موجودة وكويسة جدا
ولكن برضة فيه ناس من بعد ما دخلنا الكلية والعلاقات بدأت تبعد وتبعد وتبعد لحد ما أنقطعت ويمكن انا كنت حريصة على عدم قطعها بس كل واحد حر مش هجبر حد يصادقنى
بس اقول لك على حاجة حاولى تتصلى بيها يمكن ترجعوا تانى لبعض ومين عارف
YOTTA
******
يوتا حبيبة قلبي وحشاني يا بنت
همممممممم
هبقا احكيلك يا قمري
كل سنه و انتي طيبه يا صغنن
*******************************
صالح سعيد
*********
يالهوي وقعت من على اكرسي
كلامي كان واقعي قوي للدرجادي
هههههههههه
فعلا زمانا ده صعبببب قوي
هبقا اجيلك ان شاء الله انت بس تأمر
truelove
********
فعلا عندك حق قوي
شكرا بجد لزيارتك
**********************
Che The Mad
************
تعليقك حلوووووو قوي عجبني
تحليل ممتاز بجد
نورتني يا تشي
walaa
*****
فعلا يا ولاء
ممكن نبعد عنهم
بس استحاله ننساهم
نورتيني يا ويلا
**************************
kikotalaat
**********
همممممممم
اتصدمت صحيح؟؟
انا كمان
ههههههههه
يالله ان شاء الله انزل بوست يفرحك بقا المره الجايه
بس لو كان مفيش حاجه اصلا تفتح النفس
يبقا ازاي نفرح من قلبنا بجد
و نكتب بوستات فيها تفاؤل
:(
سبحان الله
هكذا الدنيا
ده شئ أساسى
النبى بيقول
---------------------
عش ما شئت فإنك ميت
و أحبب من شئت فإنك مفارقه
و اعمل ما شئت فإنك مجزى به
---------------------
سواء هنفارقه بالموت أو بتغير أحوال الدنيا
فده شئ لازم هيحصل
انما الجنة هيا اللى مفيهاش فراق
أسأل الله أن يرزقنا اياها
د.حمـــــاس
سبحان الله فعلا لنا اتعرض للموقف دا , وانتى بتحكى بتعيد علينا مشهد متكرر , وذكريات لا يمكن تتنسى , بس هنعمل ايه غير اننا نخزن الذكريات اللى بنحبها دى لأننا مش هنقدر مهما كان اننا نكرر الايام الحلوة دى , فعلا الدنيا بتلهى والمشكلة ان الواحد ماينفعش يلوم الاخرين لأنه هوه شخصيا مقصرر نحيتهم بسبب مشاغل الحياة وفعلا زى ما قال تعليق سابق الدنيا زى القطر تمام كل واحد وليه محطته
ياااااااااااه
بخوفيني اوي بكلامك ده
نفس الي بتقوليه بيحصل معايا دلوقت
ويا خوفي منخش الكلية الي عايزنها ولا نتفرق فيوم من الايام
نفسي ده ميحصلش باي سبب
هحاول احافظ عليه لاني مش هلاقيه تاني
أقولك ايه بس يا زيزي
كلنا هذا البني آدم :(
لس امبراح الموضوع دة كان على بالي ومتنكدة من ساعتها
احنا كنا 3 اصحاب مش بنسيب بعض أبداً...دلوقتي :(
لما بنفتكر بعض في العيد عشان نعيد على بعض..بيبقى قمة التواصل :(:(:(
معلش..حاولي توصلي لصاحبتك..أي نعم الدنيا مليانة مشاغل...والكل مراعي كدة...بس برضه احنا نعمل اللي علينا...ونحاول منقطعش مع الناس الكويسة
سوري على الغيبة يا زيزي
وسوري مش قادرة أكتبفي الموضوع دة أوي..بس أنافعلاً متضايقة من إني منقطعة عن أقرب أصحابي :(
orkida
******
اوركيدا حبيبه قلبي مبسوطه انك هنا
بجدددددددد منورة يا قمر
هستناكي علطوول بقا
و سلامي لبنوتك يا قمر
و ادعيلي بقا
************************
no chance
*********
اه صح فعلا
مش علطول عندي الاحساس ده
انا فجاه افتكرتها
فجاه حسيت انها وحشاني قوي
فجاه حسيت اني محتجاها
محتاجه وقفتها جنبي زي زمان
برضه انا حالتي وحشه قوي الوقت
بجد محدش بيفهمني
حاسه انها كانت اكتر حد بيفهمني
همممممم يالله بقا
انسان بلا عنوان
***************
عمرو
عندك حق بجد
صعب الواحد يلاقي اللي يفهمه بجد
منور يا عمرو
**************************
bos bos
********
ازيييييييك عامله ايه
بنا يخليكو لبعض يا رب يا قمر
صعب قوي ادور عليها الوقت
لانك لا تعلمين تفاصيل الامور
و لو اني بجد محتجاها جداااااااا
منووووووووورة
DR.HAMAS
********
دكتور
بجد شرفتني
مستنيه زيارتك تاني
****************************
زى الهوا
*******
همممممممممممم
على فكره
كل حد اتعرض فعلا لموقف زي ده
انه بعد عن ناس بيحبهم
الدنيا بتاخد الواحد قوي
منور
Noony
*****
نوني
سيبك انتي
المهم يا بنتي انك رجعتي
بجد وحشتيني جداااااااااا
متغبيش تاني بقا
و عايزين نرغييييييييي
منورة يا نهاد
هكذا الحياه
وهكذا نحن
كُنا وسنظل
بشر
مجرد بشر
.
.
مودتى لكِ أيتها الرقيقة
sad_doraa
**********
متخافش متخافش
قلنا كده
و برضه مدخلناش نفس الكليه
هههههههههه
بتفكرني بيا و احنا بنقول كده زمان
خد بالك كمان
غصب عنكو الدنيا هتاخدكو
***********************
princess dodo
**************
دودو
نورتيني يا قمر
ياااااااااه يازيزي
نفس الكلام بيتكرر
بس اقولك حاجة ابدأي انتي بخطوة حلوة اوي كلميها واسألي عليها انتي خسارة فعلا الايام الحلوة دي تروح
تعرفي انا وصاحبتي الانتيم نعرف بعض من قبل كي جي حتى كانت صاحبتي وجارتي جت فترة نقلنا لبيت تاني والاخبار انقطعت لمدة 3 سنين وبعد كده بقينا مع بعض في مدرسة واحده من يومها لانهارده واحنا مع بعض مع اننا في كليات مختلفه مش بنشوف بعض كل يوم بس لازم نكلم بعض في التليفون طول اليوم واي فرصة بتيجي لازم نشوف بعض فيها
جربي كده واسألي انتي عليها
زيزي انا بردة مع صحبتي كدا
بس احنا لسة مع بعض
قطعنا فترةصغيرة كدا لخلافات بس كانت متتعداش سنة كانت في اولي ثانوي لكن رجعنا ودخلنا كلية واحدة
بس مش عارفة خايفة بردة الصداقة مدمش
لما نتجوز وكل خد يبقي وراه هموم ومشاكل وحياة الله اعلم
بس كلامك جميلللل
وتعبيرك احلي
جربي كلميها لو مش تعرفي تليفونها ان كان اتغير او كدا جربي لو عندك فيس بوك تعملي عليها سيرش يمكن تكون عاملة بجد ممكن تلاقي ناس كتير من الفيس بوك كانو معاكي في الكي جي ونستيهم وتلاقيهم
وربنا يوفقك يارب
وناسف علي التاخير بس كان فترة امتحانات خنيفة والحمدلله عودةةةةةةةة
يلا سلام
انا برضة واصحابى سالنا بعض كتيييييير السؤال دة
وكنا نقول اكيد مفيش حاجة هتفرق بينا
والصحوبية دى حاجة جميلة اوى
مادام بنحب بعض يبقى اكيد هنبقى طول عمرنا اصحاب
ولسة اصحاب
بس يادوب دة احنا لسة فى 3 كلية
ومتفائلة ان شاء الله نفضل علطول اصحاب
sahr
*******
ياااااه
ازيييييك يا سهر وحشاني يا بنت
اخيرا خلصتي
يالله الحمد لله
صعب نرجع تاني يا سهر
انا بس صعبان عليا اللي فات
عايزة اجي اقرالك بوست جامد بقا
************************
My Hope
*********
ازييكي ايه الاخبار
برضه امتحانات ؟!!
المهم خلصتي على خير
قوليلي صحيح اخبار النور ايه
مقطعش تاني
و ازي الاوز
ههههههههههه
متغبيش بقا
**********************
doda
******
يا ب يا دودا تفضلوا اصحاب علطوول
شكلك لسه جديده في عالم المدونات
متغبيش بقا عننا و تبقا تيجي تاني
شكرا يا قمر
Post a Comment