أهبل يا قلبي

هتمناله الخير

إيه يعنى يفوتنى و ينسانى

مهو ياما إتحمل علشانى

مهو ياما كان قلبه عليا

هتمناله الخير

مهو قبل ما يجرحنى داوانى

كان عمرى و كان هو زمانى

كان قلبى و روحى و عنيا

انغام

على فكره

وحشتوني قوي

نص حاله ..عايشاها

اللى بينا نص حالة ، نص للحب اللى يمكن نصها التانى استحالة

زى مايكون اللى بينا شئ غريب ، لعنة الحب اللى بتذل الحبيب

اصاله

تاج بالاس

فندق تاج بالاس بدبي

الاول كل سنه و انتو طيبين يا رب

التاج ده لو ما اتجاوبش الوقت هيزوغ في وسط التيجان الكتير المبعوته , ومش لاقيه وقت اجاوبهم.. عشان كده قلت ازنق نفسي واجاوب عليه الوقت

هوا من ليساندرا كل سنه و انتي طيبه يا قمرايه و عثبال كده 100 سنه .. و بعدين الناس بتبعت تورت و جاتوهات في اعياد الميلاد ولا تيجان .. يالله مقبوله منك .. تعيشيي و تبعتيلي

نبدأ بقا

السؤال الأول : بدأت تدون امتى ؟ و دخلت عالم التدوين ازاى؟

بدأت ادون بالظبط يوم 12/8/2007 و اليوم ده كان عيد ميلادي اصلا

دخلت ازاي بقا .. عادي دخلت برجلي اليمين.. احمد عيسى ساعتها بعتلي لينك مدونته .. عجبتني جدا المدونه والفكره و تصفحت تقريبا كل لينكات المدونات اللي احمد ضايفها ، الموضوع دخل دماغي قوي ، ساعتها قررت اني اعمل مدونه

السؤال الثاني : ايه كان انطباعك فى البدايه؟

الموضوع في الاول بيكون حماس بشكل مريب .. بس سنه يادوب و الموضوع بيكون عادي جداا..حاجه كمان يحس بيها كل اللي لسه عامل مدونة جديده انه اي حاجه هيلاقيها في وشه او اي حاجه تحصله اي حاجه يحسها كمان او تخطر على باله بيفكر ازاي يترجمها و يطلعها على شكل بوست و يدور على عنوان ليها، و انت رايح الشغل ، لما تصحا الصبح ،و انت بتبص من البلكونه ، موقف حصل في الشارع و انت ماشي .. الموضوع كان واهمني في الاول و بالفغل كنت برجع بدون الحاجه اللي كانت شاغله بالي طول الوقت دي وبخليها في الدرافت على البلوج حجات كتيره جدا بتتكتب بتكون حاجه حسيتها و عايز تطلعها يمكن يكون اغلبها كمان مينفعش انها تتنشر او تبان للناس .. من يومين كنت بقول لنفسي انا المدونه بتاعتي في الدرافت " ما زالت مختفيه " . .

السؤال الثالث : مين اكتر واحد بتحب تعليقه على بوستك الجديد؟

مش موضوع اكتر تعليق بحبه انا كل التعليقات على عيني و راسي بحبها و بحترمها في تعليقات لمدونين بكون فرحانه قوي انهم زاروني و في تعليقات بستناها من مدونين معينين بييجوا مره و 10 لا عشم بقا بس عادي بحبهم و بروحلهم برضه .

السؤال الرابع : ايه اهم حاجه اتعلمتها من عالم التدوين؟

اهم اهم اهم حاجه ؟ المدونين اللي عرفتهم.. بجد ناس مكنتش اتخيل اني اعرف زيهم اصلا ( دي اهم و اكتر حاجه انا حساها قوي )

بالاضافه طبعا لموضوع التدوين نفسه .. كون انك تنزل بوست ناس تعلق عليه تنتقد او تشكر في كلامك ..هيبقا في تصادم في طريقه التفكير و الاراء .. نتناقش ونتكلم .. تتعلم ازاي تحترم وجهة نظر اللي قدامك و تقبل كلامه .. حاجه تعرفك انت بتتكلم و بتفكر ازاي .. كمان مساحه تفضفض بيها باللي جواك و يمكن كمان تاخد اراء الاخرين

من خلال التدوين و المدونه و تتبع التعليقات عرفت مدونات كتير غريبه تدخلها تستغرب الخلق اللي فيها عايشين ولا بيفكرو ازاي .. حجات اول مره اعرفها او اتخيلها في حياتي ديانات مختلفه، وجهات نظر و طريقه تفكير غريبه ، اهو برضه تعرف مين الناس اللي عايشه حواليك وبيفكرو ازاي- -

و على فكره حجات تاني اكتر اللي هي من نوع الحجات اللي متحسهاش غير لما ترجع ورا من نقطة البادية " قبل ما تعمل المدونه بتاعتك " ساعتها تحس بالفرق بين شخصيتك الاول و الوقت

السؤال الخامس : حاسس ان التدوين له تاثير؟

طبعا ليه تاثير للناس اللي عايزة تستفيد منه بشكل صح .."" بعدين دا نفس اجابة السؤال اللي فات "

௨௨

عمر عدا عليك يوم متقدرش تنساه . . بغض النظر حصل فيه حجات حلوه او وحشه

حصل معايا

يا ريته ما يعود

اللهم استرنا فوق الأرض و تحت الأرض ويوم العرض عليك

رمضان كريم

22

اولا .. بلون البحر بكتبلكم .. وحشتوني قوي قوي

ثانيا .. انا غلبت قوي على ما لقيت سايبر لاني في اسكندرية الوقت .. ولاني بالفعل عايزة انوه على حاجه بسيطه كده

اني انهرده بس كملت سنه بالظبط مع مدونتي

و اتنين و عشرين سنه معايا.

كل سنه و انتو طيبين بقا

.

.

بس كده بقا لغايه اما ارجعلكو

و الله ما يسوى اعيش الدنيا دونك

.

.

كلنا كالقمر.. له جانب مظلم

.

.

قلبي ೦

೦

عاقل .. دقاته مجنونه

..

.

.

نحناوالقمر جيران

اضغط هنا ..

حجات مخبطه

أيات

مبروك يا قمري على كتب الكتاب ..افتكري كويس قوي كل كلمة أنا قلتها ليكي ..افتكري 4 سنين مع بعض .. كل حاجه ضحكنا و بكينا و اتكلمنا عليها

هوا انتي هتبعدي و تسيبيني اه .. بس انا استحاله انساكي

" هوا انا ليه دايما موعوده بفراق الناس اللي بحبهم "

*****************************************

تغيير في حياتي بدأ من فترة كده .. حاسه معاه بكمية مشاعر متناقضه

فرح ، خوف ، قلق ، وحجات تانيه كتير

بس انا قلت حاجه لنفسي

ان يمكن الخير يكون هنا

جمدت قلبي و مشيت فيه

بس هوصل ؟!! .... مش عارفه

بس هدعي ربنا قوي

***************************

كاميليا

يا أحلى زهره في بستاني " معنديش جنينه ولا بستان على فكره "

طبعا انتي هتستغربي لما تلاقي اسمك هنا لغايه الوقت و مش عارفه انا هقول ايه

كل سنه و انتي طيبه يا قمر

و حجات تانيه هتقولهالي بيني و بينك

مش نسياكي انا و فكراكي

عموما ربنا معاكي و يوفقك .. و انا هدعيلك كتير يا كامي

بس قوليلي بقا كملتي كام بقا !!!!؟

********************************

مش عارفه ليه مياله لمنير اليومين دول

أغنيه معينه معلقه معايا قوي

" ربك ما يريد "

منزلاها على البلوج

بعيش بجد مع الصوت و الاحساس و الكلمات

**************************************

أخر حاجه بقا .. لسه خايفه

مبتتعلمش

هممممممممممم ممممممممممممممم مممممممممم

تطارد صمتها تلك الاغنيه التي انسابت لعقلها فجأة و التي اكتفت بدندنة موسيقاها

انهت عملها مبكرا فخطر على بالها ان تذهب الى ذلك المكان المفضل اليها دوما ، رأت انها بحاجه ان تجلس بمفردها قليلا ..لطالما احبت ذلك .. وجدت قدماها تقوداها الى ذلك الشاطئ

.

.

همممم همممم هم هممم همممم

مازالت تتمتم بها محاوله تذكر الكلمات و هي تحاول الوصول الى تلك الصخرة ..انها تلك الصخرة التي يحبا دوما الجلوس عليها حينما يكونا معا ، تنظر بجوارها ...تتمنى لو تجده بجوارها .

أخدت تتمشى ، شردت بعقلها قليلا و تفكر في حالها ، تفكر في تلك العلاقه التي اصابها نوعا من البرود و اللامبالاه مؤخرا ، صارحتة كثيرا بشان غيابة المتكرر عنها و الذي كان يتعدا الايام دون ان يسال عنها لكن في كل مرة كان يسبقها باختلاق الاعذار ... و ان لم يفعل فقد كانت تختلق له تلك الاعذار

انا اسف يا حبيبتي كنت مسافر في مأموريه

معلش مقصر معاكي كنت مشغول قوي في الشغل

سوري بجد كنت تعبان اليومين اللي فاتو عشان كده ما قدرتش اكلمك

لا تعلم بهذه الامور الا بعد مرورها بكثير . بالرغم من انها اخبرته انها على استعداد ان تشاركة ادق تفاصيل حياتة وبالرغم من انها تجعله يشاركها جميع لحظاتها و تخبرة بجميع شئونها

تشعر بالحزن من التفاصيل الصغيرة التي يعلم انها تهتم بها و تتوقع بالتالي ان يتذكرها لكنه لا يفعل ، لا تعلم ان كان ينساها او يتجاهلها ... طالما تمنت ان يكون بجوارها في فرحها و حزنها .. كيف لا و هوه حبيبها .

تشعر انها مشلوله تماما غير قادرة على اخد اي قرار حيال ذلك لانها لن نستطيع العيش بدونة لحظة وهذا ما ادركتة ايضا مؤخرا في محاولات عدة لتركة و الابتعاد عنه .. تقرر ان تصارحة بكل هذا حتى لو وصل الامر ان تتركه ، فهي لن تستطيع ان تكمل معه بهذه الطريقه .. التقطت هاتفها المحمول و طلبت رقمه و قبل ان يرد عليها اغلقته بسرعه ، قاومت دمعتين ترقرقت بها عيناها و جاهدتا للانحدار على وجنتيها .. لانها وجدت هذا ربما هو الحل الاخير الذي توصلت اليه بعد عدة محاولات معه بهذا الشان .

يرتجف جسدها فجاة حين تسمع صوتا يهمس بالقرب من اذنيها ... وحشتيني

تلتفت ببطئ .. لم تنطق انما اخذت تحدق في تفاصيل وجهه بعينان تنطقان بالكثير ، اكتست عيناها نظرة حزينه جعلته يسالها في قلق ... ماذا بك؟؟ و قبل ان تجاوبه يضمها بشده الى صدره ، يهمس في اذنيها

اعلم اني مقصر معك .. حبيبتي.. اعدك ان اعمل على اسعادك و ان ابذل قصارى جهدي لاصبح انسانا اخر يستحق حبك و حنانك

كعادتها تستسلم له ، ترتسم على وجهها فجأة تلك الابتسامه الساحرة .. الان فقط تذكرت تلك الكلمات .. اخذت ترددها في صمت دون ان يسمعها و هي ملقية براسها على كتفه ..

مبتعلمش لغيرة القلب ما بيحلمش

ينام الليل و سهرانه في هواه ما بنامش

يروح و يغيب و ينساني و لما يجيلي من تاني

يسامحه القلب في ثواني كانه ليالي ما تالمش

أنغام .. مبتعلمش

لو ما تجي.. اليسا

لو ما تجي ع نوم عينيا

وبايدك تهز الغفا

توعي الحنين اللي فيا

اللي كان ع البعد انطفي

لو ما تجي

----------------------

قبلك قلبي كان

شجرة بلا عصافير

جنه بلا الوان

فراشه ما فيها تطير

غيرت الزمان

بدلت البرد بدفا

آآآآآآآآآه

لو ما تجي

كفايه كده

ايون زي ما بقولكم

كفايه خاااااااالص كده ، بقالي كتير قوي سايبه مدونتي .. اكسفت قوي منها و انا بضرب الباسوورد ييجي خمس مرات عشان ادخلها ، بس الحمد لله افتكرت على اخر لحظه ، تقريبا كنت هفقد الامل .. ولا هوه مفقود وحديه اصلا .

*********************************

اليومين اللي فاتو كانو صعبين قوي عليا .. كان صعب قوي ان واحده زملتي تقريبا بقعد احكي معاها اكتر ما بقعد في البيت مع بابا و ماما و اخواتي .. كان اخر كلام بينا هنعمل ايه في شم النسيم ، هنروح فين السنادي ، هنقضيها في النادي زي السنه اللي فاتت ولا نروح في بيت واحده فينا و لا ولا ، نتخانق و نهزر و نضحك ، عشان اجي تاني يوم يقولولي ماتت .

طيب ماتت ازاي .. امبارح كانت بتحكي معايا و بتضحك و بتهزر .. فجاة كده ماتت، ده كان اول سؤال سالته لنفسي ، تاني سؤال كان ( ازاي مش هشوفها تاني ) ..... تقريبا كنت هتجنن .

بفكر مع نفسي كتير ، لو فجاة كده حصل و مت هقابل ربنا ازاي ... مش قضيه ايه وحش بعمله ، لا القضية انا بعمل ايه حاجه كويسه اصلا عشانه .

.

.

بجد حاسه انها وحشتني قوي

********************************

غير موضوع وفاة زملتي ، بجد انا عندي مشاكل كتير قوي ، في الشغل ، و في الكورس اللي بنزله بالليل ، مخنوقه قوي و مدايقه ، والحجات اللي بحبها قوي بقيت بتخنق منها، بس اهو بحاول اهون نفسي ، يمكن كمان احدهم مهون عليا اللي انا فيه ، ( مره سالت نفسي لولا وجود احدهم ده كنت هعمل ايه ، ولا كنت هعيش ليه )

مش عرفت ارد ساعتها

**********************************

حبيبة قلبي ولاء

واحده من بنات خالتي ال 5 ، خلاص فرحها قرب ، على قد ما انا فرحانالها قوي ، على قد ما انا زعلانه جدا ، بنات خالتي انا مرتبطه بيهم قوي ، علطول بنخرج و نعيد و نسافر و كل حاجه مع بعض ، هتتجوز و و تسافر بعد كده ، مش عارفه بعد كده ازاي هتفضالنا زي الاول

.

.

مبرووووووك يا ويلا يا قمر ،، و ربنا يسعدك يا رب

*******************************

عموما ، انا لحد ما مبسوطه

و حاجه كمان

وحشتنوني قوي .

.

اه صحيح ، على بالي قوي اتطوح زي البنت اللي فوق دي

ايوووووون البنت اللي فوق اللي صورتها دي ما لهاش علاقه بالموضوع

.

.

عارفه عارفه

لكيت كتير و وجعتلكو دماغكو

يالله تصبحو على خير بقا

كل لحظة تجمعنا اليوم قد لا تتكرر غدا

اعــــتذار

بعتذر لكل اللي بيجيلي و مش بيلاقي جديد

و بعتذر عن غيابي اللي مش عارفه هيستمر ل امتى

بعتذر كمان لو مقدرتش اكمل معاكم و مع مدونتي

بس اولا و اخيرا ادعولي

تناقض.. عندما نحب

مبلاش نتعود كدة على بعض

لحسن لو ضعنا فى يوم من بعض

هنضيع اوى ونتعب اوى

لو مرة حسينا بحنين ولقينا صعب نلاقى بعض

-------------------------------

ولا اقولك مش مهم الجاى ايه

احنا نتعب روحنا من دلوقتى ليه

لو حتى فرقنا الوداع لو حتى ضعنا فى الهوا

مش بردة ياحبيبى الضياع احساس هيجمعنا سوا

-------------------------

كل ما نقرب .. أنغام

حب في الهواء الطلق

حـين أكـون بحـالة عشـق

أشـعر أنـي بـوزن الريشـة

انـي امشـي فـوق الغـيم

أسـرق ضـوء الشـمس

و أصـطاد الاقــمار

=======================

حـين أكـون بحـالة عــشق

أشـعر أن العـالم أضـحى وطــني

و بإمـكاني أن أجتـاز البـحر

و أعـبر آلاف الأنـهار

و بإمـكاني

أن أتنــقل دون جــواز

كالكــلمات و كالأفـكار

============================

حيــن تكـون حــبيبي

يذهـب خـوفي

يذهـب ضـعفي

أشـعر أنـي بـين نسـاء الارض الأقـوى

=====================

شعر لسعاد الصباح

لحظة عشق

في وقت فجريه

و انا في بلكونتي باصه على السما و الكون و الدنيا

و نسمة هوا باردة على خدودي و اديا

في لحظة هدوء ورقة ورومانسية

كوباية نسكافية في ايديا

وفي الايد التانية موبايلي .. بسمع عليه اغنيه رومانسيه

جيت على بالي ساعتها

نظرة شقية ،، ورساله ليك كلها دلع و حنيه

بقولك فيها وحشتني يا نور عنيا

ملحوظه : الصورة كانت منظر السما وقتها ..تعيشك لحظات عشق مش لحظه واحده