متحسبوش يا بنات ان الجواز راحة - لا راحة بقى

 البنات العسلات المقطقطات الي كانت نايمه صاحية بتقول ياجواز

والمقطقطين الي راحو للجواز برجليهم

النبي ياجماعة الاهي يكرمكو 

 الي يسألك عامله إية متكشريش وتلوي بوزك وتحسسي الواحد انك شايلة طاجن ستك فوق دماغك

و تشتغلي من أول أسبوع جواز تفقري  وبلا جواز بلا هم مانا كنت مستريحة أنا اية رماني ع المر

متستهبـــليش ومتستعبطيــــش

المسئولية انت عارفاها

عارفة انك هتبقى مسئوله على راجل و من بعدها عيال

هتقومي الصبح تفطريه و قبل ما يييجي من الشغل لازم هتكوني عملاله الغدا

هتنضفي هتغسلي مواعين هتنزلي تشتري خضار

هتستحمليه في قرفه و خنقته اما يبقى مخنوق و هوا هيستحمل قرفك

الحياة عادي مش بنت ستين كلب و مقرفة وكأنك مرمية في النار و بتتعذبي

الرجالة بقى 

انت برضه عارفة المسؤولية وانت اللي اختارتها و رحتلها برجليك 

ليه الواحد أما يجيبلك سيرة الجواز كان جابلك سيرة عفريت
وياريتني ومايارتنيش
انت الي رايح للغلب برجليك

انت عارف قبل كل حاجة ان الجواز مصاريف و ناس مسئول منهم وعليهم

النبي ماحد يسألك أو يسألك وتفقرو في وشنا
مش عاجبك روحي بيت أبوكي وصفي الشركه
مش عاجبك ارجع لحياه العزوبيه_بييييس يعني
متبقاش تاكل وتلهط من التورته وانت مبسوط

والي يسألك حلوة؟ تقول يع
لا وممكن يعقدك في عيشتك ويقول اياك تاكل منها
على أساس هتلهطها وحدك!
ملكوش دعوة وكل واحد في همه
انا اعرف ناس كتير مبدأوش يتبسطو غير بعد ما اتجوزو
استقلال وبيت بنيتوه حته حته سوا واطفال
في حاجات كتير حلوا لية نبص للوحش

في بقى صنف حلو جدا يقولك كده عشان يبعد العين

عين ايه بس اللي هتبعدها كده جتك نيله

و تفضل تحكي في قصص  ميئوس منها ومزيفه وهلامية وتمشي تقرف بيها الناس 

في الاخر انت هتصدقها
والعين الي خفت منها هتصيبك وتبقى شخص ممل وتقرف من عيشتك  و تقرف اللي معاك

مانت كدبت كدبة وصدقتها

بص اللي يسألك اخرص متتكلمش ولا تتكلمي

أصل بلاش قرف يعني

ونبي بصو لنص الكباية المليان

تنويه بس

بصراحة محدش متجوز مبيشكيش   

الكل بيشكي رجالة و ستات

في شكوى كده مقبولة و مقنعة مش ناس تقرفك وخلاص 

عشان كده الكلام ده مش موجه للمتجوزين كلهم

أنا فعلا بشوف قدامي ناس نيلة قوي

و باين عليهم قوي

و جتهم نيلة قوي قوي
.

.

تحديث بسيط جداَ

الكلام ده كتبته قبل خبر طلاق كيت و ويليام 

بس مازلت مصرة برضه

D:

O_o