الأجيال والتكنولوجيا

 بابا من شوية كان بيسألني امسح اسم من موبايله ازاي  - عشان مكانش عارف

و بعد معملتهوله قلتله انتو الجيل بتاعكو مظلوم قوي

أيامكو مكانش فيه موبايل ولا كمبيوتر ولا انترنت 

و يادوب كان في تلفزيون ابيض و اسود 

احنا من سن صغير حاجات كتيير من دي كانت متوفرة لينا

انا عن نفسي بداية من سن عدادي مثلا

كنت الاقي الكمبيوتر و سنه كمان و كان عندي كمبيوتر بـ نت

و سنتين كمان كان في ايدي موبايل

و الواحد عرف يتعامل مع كل الحاجات دي

ياعيني الجيل القديم تلاقيه يادوب بيعرف يفك الخط في الكلام ده

الجيل المحظوظ بقى بجد الجيل بتاع دلوقت

العيال الصغيرة اللي تيجي للدنيا تلاقي كل حاجه في وشها

فعلا يعني محظوظين

بس تفتكرو احنا لما نكو أبهات و أمهات هنحس اننا مظلومين

و هتظهر تكنولوجيا اكبر من كده ومش هنقدر نسايرها؟!ء

طب احنا هنهتم بيها زي ما بنهتم باي حاجه جديدة دلوقت و نفهمها 

ولا الحياة هتشغلنا !!ء