عن الغضب

بيقولك

إذا تمالكت أعصابك في لحظة غضب واحدة، ستوفر على نفسك أياماً من الحزن والندم

و بيقول كمان 

حين يغضب الإنسان، فإنّه يفتح فمه ويغلق عقله

مين دول اللي بيقولو ؟!!

ما علينا مين

بس بجد الكلام ده صح جدا

ممكن الغضب و العصبيه يودوك في ستين داهيه

ممكن يخسروك صحابك أو حد من أهلك أو حتى نفسك

نعم ؟ بتقولي انت هادي؟

طب حلو قوي

لو انت حد هادي و تقدر تتحكم في نفسك مش هتزعل حد منك

حتى لو انت تنشنت مع حد و شايل منه قرف السنين

و مستحمل منه بلاوي الدنيا و الاخرة

بتمسك نفسك .. ماهو انت باقي على اللي قدامك برضه

المشكلة بقى لو حد اتخنق منك و تنشنتو و صوتكو فجأه بدأ يعلى

و اللي قدامك مقدرش يمسك نفسه  و بدأ يطلع القديم و الجديد

و كل اللي شايله منك 

ده هيبقى حاجه مش لطيفة ابداَ - لأن ساعتها وهوا متنرفزهيقول أكتر كلام صح

ممكن بعد ما يهدى وييجي يقولك معلش كانو كلمتين في وقت ضيق

و الشيطان و بتاع

بس للأسف بيبقى أكتر كلام صح طالع من قلبه ليك
و ممكن تكتشف انه بيحقد عليك و بيكرهك وكلام منيل بستين نيلة

عايز تعرف ايه اللي قدامك مخبيه؟!
نرفزه - و شوف هيرد عليك وهيقولك ايه
بس استحمل ومتردش .. عشان متقلبش جد
وبعدها قرر
.
.

البوست ده مش عشان أدي نصايح و اقولك امسك نفسك و متتنرفزش والكلام الحمضان ده

البوست ده عشان أقول بس
 

إننا بحاجة للخلافات أحيانا لمعرفة ما يخفيه الآخرون في قلوبهم
فقد تجد ما يجعلك ف ذهول وقد تجد من تقف له احتراما

" شكسبير"